Nú jæja er mín búin að vera hræðileg ??? Það hraðast enn inn heimsóknir og ekkert að ske ÖSSSSSSSS.... Jamm veit vel uppá mig sökina hér, ég hef bara einhvernveginn ekkert fundið neina þörf til að tjá mig og svo er ég bara svo asskoti upptekin. En skal nú reyna að bæta ykkur þetta með smá línum

Þvílík lygasaga sem þetta blessaða líf mitt er nú orðin... er búin að vera edrú í einn og hálfan mánuð núna, sem er náttla bara mjög góður árangur, og ekki get ég sagt að ég sé það neitt breytast á næstunni... ég bara þori varla að trúa því hversu vel mér gengur, langar stundum að klípa mig og sjá hvort þetta sé ekki bara allt saman draumur og ég sé örugglega enn í helvítis svarnættinu sem líf mitt var farið að vera. Já það er til ótti við öllu, meir að seigja hamingjunni... Því hef ég ákveðið að vera bara ekkert að klípa mig og halda bara áfram að lifa í þessum líka fína draumi.... ég fer að sofa edrú og ég vakna edrú... góður draumur maður

Það er svolítið skondið frá því að seigja að mín er farin að syngja hástöfum á ný... einhversstaðar hafði ég týnt þeirri löngun, en núna góla ég bara endalaust og nýt þess í botn. Hver veit nema ég fái söngröddina aftur... já þessa alvöru muniði hehe  mar veit ekki ??

Jámm það er sko ekkert leiðinlegt að vera Döggin núna ......... en nóg um það raus .... held fólk fari bara að fá grænar á mér eftir allt þetta tal um hvað edrúlífið sé yndislegt... gleymi því stundum að fyrir ykkur er þetta bara ósköp eðlilegt thíhíhíhíhíhí

Og úr einu í annað...

Ég var að velta einu fyrir mér hér um daginn .... þessu endalausa brasi sem ástin vill oft vera. Öll þráum við ást og öll höfum við þörf fyrir hana, en hvers vegna þarf leiðin að henni að vera erfið ???
Eins og þið flest öll vitið þá eru eyrun mín stundum svolítið vinsæl þegar þörf fyrir tjáningu um ást er annars vegar og því finnst mér gaman að spá og spekúlera í þessum fræðum. Tek sem dæmi þessa svokölluðu leiki sem fullorðið fólk stundar... stundum jaðra þeir nú bara við að vera á við leik fimm ára barna, svo hrikalega hallærislegir og fyrirsjáanlegir eru þeir. En það virðist sem þeir krydda eitthvað upp á þessi nýju kynni og orsaka þar af leiðandi drama sem konum finnst svo alveg rosalega gaman að tala um. " Ég ætla ekki að hafa samband við hann, nú er röðin komin að honum " er t.d einn mjög vinsæll leikur.... auðvitað ættu báðir aðilar að sýna áhuga og hafa samband við hvort annað á svipuðum nótum. Öll vitum við að það sökkar feitt og er yfirleitt ávísun á engann áhuga hinum meigin ef við lendum í því að hringja .. ALLTAF, en mér er spurn.... afhverju ekki bara að hringja ef manni langar til að hringja og öfugt... svara ef manni langar til að svara. Veit ég um margar konur sem hafa beðið og beðið við símann, langað alveg rosalega til að heyra í honum, en vílað það fyrir sér að taka bara upp tólið sjálfar, allt útaf einhverjum leikreglum.
Einnig er það leikurinn þar sem við reynum að komast að því hvort hinn aðilinn sé með það sama í huga og við eða hvort það sé bara verið að leika sér að okkur. En sá leikur snýst um það að kryfja öll samtöl, allar hreyfingar, öll símtöl og bara allt sem snýst að samskiptum til mergjar... afhverju ætli hann hafi bara kysst mig á kinnina bless ?? eða afhverju var hann svona þurr við mig áðan?? ætli hann sé búinn að missa áhugann og svona getur þetta endalaust gengið... leikreglurnar þar virðast semsagt vera þær að bannað sé að vera bara hreinskilin og spyrja bara hreint og beint út hvar sá aðili stendur á þeim tímapunkti.
Samskipti kynjanna vilja oft vera mjög flókin og auðvitað tekur það tíma fyrir fólk að kynnast... en þá langar mig til að spyrja?
Afhverju ekki bara að njóta augnabliksins, njóta þess að hafa hitt áhugaverða manneskju og láta afganginn ráðast?
Ég veit ekki með ykkur , en ég held að okkur öllum sé ætlað eitthvað ákveðið í þessu lífi og ef ykkur er ætlað að finna ástina, þá á ekki að þurfa að velta sér endalaust upp úr öllu sem viðkemur henni, því þegar öllu er á botninn hvolft þá er þetta bara spurning um hamingju og að njóta samvista annara.... algjör óþarfi að heilinn bræði úr sér í leiðinni

( Tek það fram að undirrituð er enn single í dag og því ætti ekkert að taka hennar skoðanir bókstaflega... bara smá pæling á föstudagsmorgni  )

Fór með fjölskyldunni í æðislega útilegu um seinustu helgi enda þetta á nokkrum myndum úr henni og af henni dóttur minni sem stækkar og stækkar












Hafið það sem allra best... þangað til næst..

Kveðja Anna Dögg.